Gose ase (ezina) EMEA

Inoiz sentitu duenak badaki

zinez konplexu dela, aldakor.

Gogoarekin indar edo ahul

bilaka daitekeela, ezin sor ez deusez.

Biltzen duela edozer, ez dena

ta dena.

Plazer iturri bakarra

mingarria da berez.

Soilik harekin bete gaitezke,

ez ase.

Osatzearekin bat gaituenez

suntsitzen, jaiotzetiko eria

digunez eroaten.

Arrazoia du etsai, "zergatik?"

ez du ulertzen.

Azaltzen saiatzea, oraintxe bezala,

ariketa hutsala dugula, erabat.

Hain zara gozoki ustel,

zu, bai, zu:

maitasun.

Tagak: emea maitasuna Zabaldu Bildu.net | del.icio.us